എസ്.എസ്.എല്.സി. പരീക്ഷയ്ക്ക് തയ്യാറെടുക്കുന്ന വിദ്യാര്ത്ഥികള്ക്കായി വിക്ടേഴ്സ് ചാനലില് എസ്.എസ്.എല്.സി. ഒരുക്കം പ്രത്യേക പഠനപരമ്പര ആരംഭിക്കുന്നു. എല്ലാ ദിവസവും രാവിലെ 6.30-നും 7.30-നും രാത്രി ഏഴിനും 8.30-നുമാണ് സംപ്രേഷണം. ഓരോ വിഷയത്തിലും പ്രശസ്തരായ അധ്യാപകരാണ് പാഠഭാഗങ്ങള് കൈകാര്യം ചെയ്യുന്നത്. 150-ല്പരം അധ്യാപകര് പങ്കെടുക്കും. എങ്ങനെ പരീക്ഷയ്ക്ക് സജ്ജരാകണം, ഓരോ വിഷയത്തിലെയും എളുപ്പവഴികള്, ചോദ്യപ്പേപ്പര് വിശകലനം, ഓര്മ്മിക്കേണ്ട കാര്യങ്ങള് തുടങ്ങിയവ ഉള്പ്പെടുത്തിയാണ് എസ്.എസ്.എല്.സി. ഒരുക്കം നിര്മ്മിച്ചിരിക്കുന്നത്. വിശദ പഠനം, റിവിഷന്, മാതൃകാ ചോദ്യങ്ങള്, വാമിങ് അപ്, കൗണ്ട് ഡൗണ് എന്നീ അഞ്ച് വിഭാഗങ്ങളായാണ് പരിപാടി അവതരിപ്പിക്കുന്നത്.