സംസ്ഥാനസര്ക്കാര് ജീവനക്കാരുടെയും അദ്ധ്യാപകരുടെയും തദ്ദേശസ്വയംഭരണ സ്ഥാപനങ്ങളിലെ ജീവനക്കാരുടേയും ക്ഷാമബത്ത 73 ശതമാനത്തില് നിന്ന് 80 ശതമാനമായി വര്ദ്ധിപ്പിച്ച് ഉത്തരവായി. പുതിയ നിരക്കിലുള്ള ഡി.എ മാര്ച്ച് മാസത്തെ ശമ്പളം/പെന്ഷനോടൊപ്പം ലഭിക്കും. ജീവനക്കാരുടെ ഡി.എ കുടിശിക പ്രോവിഡന്റ് ഫണ്ടില് ലയിപ്പിക്കും. പെന്ഷന്കാര്ക്ക് വര്ദ്ധിപ്പിച്ച നിരക്കിലെ ഡി.എയും കുടിശ്ശികയും മാര്ച്ച് മാസത്തെ ശമ്പളത്തോടൊപ്പം ലഭിക്കും.